سوال لصحاب الخبرة في التريلات ...

ماعندي أي خبرة في الموضوع، بس صورة موضوعك من برى كأنها كلب بثلاث عيون :)

اها انت من النوع الي بيطلع رخصه بس عشان يعلم الناس انه معه عمومي ثقيل طيب ياخي ليه ما تشوفلك باكستاني معه تريلا وتعطيه ميه ريال ويعلمك لمده نص ساعه

ياخي اذا تبي تحطه اول عشق على الأول خفيف وتبي الثاني عشق على الثاني بقوة والباقي نفس الشيء

قومه بثالث وتمشي معك تمام

قبل يختبرونك لازم يعلمونك 
القياده ١٥ يوم اذا ما كان عندك  رخصه خصوصي
اذا عندك خصوصي ٧ ايام تعليم ومكانيكا 
واشارات اكثر الاشارات راح يختبرونك في مجال الشاحنات 

لازم يعلمونك وتدرس وتدرب 10 أيام عندهم 

والله يعينك على وزنية الاتجاهات والرؤية
بتتعب لأنك متعود على السيارات الصغيرة 

موفق

بالنسبة للفولفو ففي نوعين للقير 3*3 مثل اللي في الصور يكون الزر تبع الفكسة نازل اسفل ويوم تعشق الواحد والثاني ثم الثالث تغير اتجاة الزر لأعلى وتبدا من جديد
ولو تتمرن على شاحنة مدرسة القيادة افضل لك

فيه الزر على عصا القير قدام العصا يسمونه فكسه دقه تحت يعشق معك 1-2-3 
زي ماهو بالصوره 
دقه على فوق يعشق معك 4-5-6 
واللي على اليسار نفس نمرة القير بس درجتين واحد اسرع اللي فوق وتحت ابطاء 

الموضوع قديم والي يسأل الحين يسقط مع الكتف بالتريلا بس ربما ينفع المبتدئين
الثقيل تدق الزر على تحت ونفس تعشيقات السياره الصغيره بالضبط بس الافضل ما تستخدمه الا اذا معك حموله يعني السياره محمله واذا بدون حموله تقوم التريلا بالثالث
والخفيف تدق الزر فوق مع دعس الكلتش عشان يشبك وتبدا من جديد نفس التغييرات وينفع اذا التريلا ماحملت ولا فيه طلعات بالخط والكلام هذا يجي مع الست تغييرات والثمان

السلام عليكم ورحمة الله وبركاته
يااخوان عندي فولفو اذا احتر زياده يطفى ولاعاد يشتغل الا بعد مايبرد وش المشكله